პოეტი, პროზაიკოსი, ესეისტი, მთარგმნელი.

 

 

დაიბადა 1974 წელს სტარობელსკში (უკრაინა).

 

 

ავტორია არაერთი პოეტური და პროზაული კრებულისა. რომანისათვის მესოპოტამია დაჯილდოვდა ანგელუსის ცენტრალური ევროპის ლიტერატურული პრემიით (პოლონეთი). ხოლო მისი რომანი ვოროშილოვგრადი BBC-ის უკრაინული კონკურსისა და იან მიხალსკის შვეიცარიული ლიტერატურული პრემიის გამარჯვებულია.

 

 

ჟადანს კრიტიკოსები ყოფილი საბჭოეთის ახალგაზრდა ავტორებიდან ნობელის პრემიის ყველაზე რეალურ კანდიდატად ასახელებენ. მისი ტექსტები თარგმნილია 15-მდე ენაზე. თავად კი თარგმნის პაულ ცელანის, ჩარლზ ბუკოვსკის, ანდრეი ხადანოვიჩის, კირილ მედვედევის, დანილა დავიდოვის ლექსებს. 

 

 

ცხოვრობს და მოღვაწეობს ხარკოვში. რეგულარულად წარადგენს საკუთარ ნაწარმოებებს უკრაინისა და დასავლეთ ევროპის სხვადასხვა ქალაქში (ხშირად უკრაინელი მუსიკოსების თანხლებით).